پی ٹی سی ایل 3جی ایوو ڈونگل کا وائی فائی راؤٹر کے ساتھ استعمال۔ Setup Evo 3G internet usb dongle with wifi router

پاکستان میں بہت سے لوگ PTCL EVO USB dongle استعمال کرتے ہیں۔ آج کل PTCL کی وائی فائی یو ایس بی ڈیوائس مارکیٹ میں آ چکی ہے لیکن بہت سے لوگوں کے پاس اب بھی بغیر وائی فائی والی ڈیوائس موجود ہے۔ جو کہ آج کے سمارٹ فون کے دور میں کسی کام کی نہیں رہی کیونکہ آج کل ہم سب کو سمارٹ فون کے لئے وائی فائی کی ضرورت ہوتی ہے۔

تو آج ہم یہ جانیں گے کہ آپ اپنی بغیر وائی فائی کی dongle کو وائی فائی کیسے بنایا جائے۔

آج کل مارکیٹ میں کئی قسم کے 3G رائوٹر دستیاب ہیں جن کے ذريعے آپ اپنے موڈم کو فائی فائی بنا سکتے ہیں۔ اس میں سے مشہورD-Link, Tenda, ZTE اور Tp-Link ہیں۔

نوٹ:- کوئی بھی راؤٹر خریدتے وقت احتیاطّ دوکاندار سے دریافت کر لیں کہ یہ راؤٹرآپ کی dongle کے ساتھ چلتی ہے یا نہیں۔ بعض راؤٹر ایسے بھی ہو سکتے ہیں جو آپ کی dongle کو سپورٹ نہ کرتے ہوں۔

آج کل بہت سے لوگ PTCL Evo Wingle, Mobilink, Ufone, Warid, Telinor کے موڈیم استعمال کرتے ہیں جن کے اندر وائی فائی کی سہولت پہلے سے موجود ہوتی ہے۔
نیچے دی گئي سیٹنگ سادہ Evo USB dongle جیسے کہ  ZTE AC271, ZTE AC2736, ZTE AC2726, ZTE AC2766, ZTE AC2746 وغیرہ کے لئیے ہیں۔

ISP Other

Dialing No. #777

User Name vwireless@ptcl.com

Password ptcl

راؤٹر کو کیسے کنفیگر کیا جائے؟

اپنے راؤٹر کو آن کر لیں اور اس کو وائی فائی کے ذری‏عے اپنے کمپوٹر سے منسلک کریں۔ یہ تفصیلات آپ کے راؤٹر کے بیچھے سٹیکر پر لکھی ملیں گي۔

جب آپ اپنے راؤٹر کے ساتھ منسلک ہو جائیں تو اس کے بعد براؤزر کھولیں اور اس میں جہاں ویب سائٹ کا ایڈریس لکھتے ہیں 192.168.1.1 لکھیں اور انٹر کا بٹن دبائیں اس کے ساتھ ہی آپ کو راؤٹر کا لاگ ان صفحہ نظر آئے گا۔ یہاں آپ کو اپنے راؤٹر کا user name اور password ڈالنا ہے جو کہ عام طور پر اگر آپ نے اسے تبدیل نہیں کیا تو پاسورڈ اور یوزر نیم Admin ہی ہوتا ہے۔
نوٹ:- اکثر و بیشتر راؤٹر کا IP 192.168.1.1 ہی ہوتا ہے تاہم بعض راؤٹرز کا IP اس سے مختلف بھی ہو سکتا ہو۔ مثلاّ 192.168.0.1 وغیرہ لیکن یہ IP بھی آپ کو راؤٹر کی پشت پر مل سکتا ہے۔
اگر آپ کو اپنے راؤٹر کا user name اور password نہیں پتہ تو آپ کسی نوکیلی چیز مثلاّ سوئی کی مدد سے راؤٹر کے پیچھے لگا چھوٹا سا بٹن کچھ دیر کے لئے دبا کر رکھیں اس سے آپ کا راؤٹر ری سیٹ ہو جائے گا اور اس کے بعد آپ راؤٹر کی پشت پر موجود user name اور password  سے لاگ ان ہو سکتے ہیں۔



نئے کھلنے والے صفحہ پر مینیو میں wizard / setup / quick setup یا اس سے ملتے جلتے نام پر کلک کریں (یہ نام مختلف راٹر میں تبدیل ہو سکتے ہیں) یہاں ہم مثال کے طور پر TENDA 3G611R کی تصاویر پیش کر رہے ہیں۔

اوپر دی گئی تصویر کے مطابق معلومات کے اندراج کے بعد نیچے دیئے گئے Next کے بٹن پر کلک کریں۔
اس کے بعد آپ کے سامنے نیچے دکھائی گئی تصویر کے مطابق صفحہ کھلے گا۔ جس پر آپ ایک بار پھر Next کے بٹن کو کلک کریں۔

نئا کھلنے والا صفحہ کچھ نیچے کی تصویر جیسا ہوگا۔ اس میں بھی Next کے بٹن پر کلک کریں اور اس کے بعد Apply پر کلک کردیں۔ اس کے ساتھ ہی آپ کا راؤٹر خود بخود ری سٹارٹ ہو جائے گا۔

لیجئیے اب آپ کا وائی فائی ہاٹ سپاٹ انتعمال کے لئے تیار ہو چکا ہے۔ اپنی Evo کو راؤٹر میں لگائیں اور WiFi کی سہولت سے مستفید ہوں۔

مکمل تحریر >>>

ونڈوز میں تمام ضروری پروگرام ایک ساتھ انسٹال کریں۔Install All required programs with few clicks

ونڈوز جو کہ ہماری زندگی کی روز مرہ استعمال کی چیز بن چکی ہے اس میں اکثر ایسے وائرس آ جاتے ہیں کہ اکثر لوگ ان کو ختم کرنے کی کوشش کرنے کے بجائے نئی ونڈوز انسٹال کر لینے کو ترجیع دیتے ہیں۔ ہم اس سے پہلے بھی ایک پوسٹ میں ذکر کر چکے ہیں کہ پر مسلئے کا حل ونڈوز انسٹال کرنا نہیں ہوتا لیکن اگر آپ وائرس کی وجہ سے یا کسی حقیقی وجہ سے اگر ونڈوز دوبارہ انسٹال کرنا چاہتے ہیں تو اس عمل میں جو سب سے بڑا مسلئہ درپیش ہوتا ہے جو ہے آپ کے ان پرگراموں کا ختم ہو جانا جو آپ نے اپنی ضرورت کے مطابق انسٹال کئے ہوتے ہیں۔

تو آئیے جانتے ہیں کہ آپ اپنے تمام پروگرام نئی ونڈوز میں ایک ساتھ کیسے انسٹال کر سکتے ہیں۔

اس کے لئے آپ کو کوئی سافٹ ویئر خریدنے کی ضرورت نہیں ہے۔ انٹرنیٹ پر ایک بالکل مفت ٹول اس مقصد کے لئے با آسانی دستیاب ہے۔ نیچے دی گئی تصاویر کی مدد سے ہم آپ کو بتائیں گے کہ اس ٹول کو ڈاؤن لوڈ کہاں سے کیا جائے اور اپنی پسند اور ضرورت کے پروگرام منتخب کر کے انسٹال کیسے کئے جا‎ئیں۔

سب سے پہلے آپ یہاں کلک کر کے ninitie کی ویب سائٹ پر جائیں۔

نیچے دی گئی تصویر میں آپ وہ صفحہ دیکھ سکتے ہیں جو مندرجہ بالا لنک پر کلک کرنے سے آپ کے سامنے کھلے گا۔

اس تصویر میں تمبر 1 پر آپ کو انسٹال کرنے کا طریقہ بتایا جا رہا ہے جو کہ آپ تصویر کے بعد تفصیل سے مع تصاویر دیکھ سکیں گے۔

اس کے نیچے تقریباّ سب ہی عام استعمال ہونے والے پروگراموں کی لسٹ ہے جن میں سے آپ جنتے اور جو پروگرام چاہیں اس کے ساتھ بنے خانے میں کلک کر کے منتخب کر سکتے ہیں۔

نوٹ:- یہاں پر آپ صرف اپنی ضرورت کے پروگراموں کا ہی انتخاب کریں۔ جتنے پروگرام آپ منتخب کریں گے بعد میں انسٹال ہونے میں اتنا ہی وقت اور ڈیٹا لگے گا۔

اب اپنی ضررت اور مرضی کے پروگرام منتحب کرنے کے بعد تصویر کے مطابق نمبر 2 پر Get Installer کے بٹن پر کلک کریں۔

Get Installer پر کلک کرنے کے بعد آپ کے سامنے نیچے دی گئی تصویر کے مطابق ایک صفحہ کھلے گا اور ڈاؤن لوڈنگ شروع ہو جائے گی۔

اگر یہاں ڈاؤن لوڈنگ خود بخود شروع نہ ہو تو نمبر 1 والے لنک پر کلک کریں۔ جبکہ نمبر 2 کے سامنے آپ کو وہ تمام پروگرام نظر آئیں گے جو آپ نے پچھلے مرحلے میں منتخب کئے تھے۔

ہم نے یہاں Skype اور Opera کا انتخاب کیا تھا اس لئے آپ کو تصویر میں یہ دو پروگرام نظر آ رہے ہیں۔

اب آپ اپنے ڈاؤن لوڈ کے فولڈر کو کھولیں گے تو آپ کو وہاں nini.exe نظر آئے گی۔ اس exe فائل پر ڈبل کلک کرنے سے آپ کے سامنے نیچے دی گئی تصویر کے مطابق پروگرام کو رن کرنے کے لئے کہا جائے گا لہذا Run پر کلک کریں اور پروگرام کو انسٹال کریں۔

اوپر کے طریقے کے مطابق آپ جوں ہی Run  پر کلک کریں گے تو آپ کے سامنے پہلے مرحلے میں منتخب کئے گئے پروگرام ڈاؤن لوڈ ہوں گے اور پھر ایک ایک کرکے انسٹال ہوں گے۔

نیچے دی کئی تصویر میں پروگراموں کے ڈاؤن لوڈ ہونے اور اس کے بعد انسٹال ہونے کے عمل کے دوران نظر آنے والے مختلف مرحلوں کو نمبر وار دکھایا گیا ہے۔

نوٹ:- جیسا کہ ہم آپ کو پہلے ہی بتا چکے ہیں کہ پروگراموں کے ڈاؤن لوڈ ہونے کے وقت کا انحصار آپ کے منتخب کردہ پروگراموں اور آپ کی انٹر نیٹ کی سپیڈ پر ہے لہذا تحمل سے اس عمل کے پورا ہونے کا انتظار کریں یا کمپوٹر کو چھوڑ دیں اس سے آگے ninite کا کام شروع ہو جاتا ہے اور تمام مراحل مکمل ہونے کے بعد آپ کو Finish کے پی‏غام کے ساتھ پروگراموں کے بارے میں بتا دیا جاتا ہے۔

اوپر کی تصویر کے تین مراحل مکمل ہونے کے بعد اب آپ کے سامنے نیچے دی گئی تصویر کے مطابق یہ پیغام دیا جائے گا کہ تمام مراحل مکمل ہو چکے ہیں یہاں اگر آپ کا کوئی پروگرام کسی وجہ سے انسٹال یا اپ ڈیٹ نہیں ہوا تو نمبر 1 پر نظر آنے والا پیغام آپ کو بھی نظر آئے گا جہاں آپ retry/re-install پر کلک کر کے اس پروگرام کو دوبارہ انسٹال کرنے کی کوشش کر سکتے ہیں۔

نمبر 2 پر آپ دیکھ سکتے ہیں کہ ہمارے ایک پروگرام Opera Chromium کے سامنے Skipped کا پیغام ہے اور اس کے آگے (Program running/Locked) کا پیغام آرہا ہے۔ جس کا وجہ یہ ہے کہ ہمارے کمپیوٹر میں اس وقت Opera براؤزر کھلا ہوا ہے لہذا اس کو اپ ڈیٹ کرنے کے لئے ہمیں پہلے Opera کو بند کرنا ہو گا اور پھر تمبر ایک پر retry/re-insatall پر کلک کرنا ہوگا۔ جبکہ نمبر 3 پر Skype کے سامنے OK لکھا ہے جس کا مطلب یہ ہے کہ یہ پروگرام سہی طریقے سے انسٹال یا اپ دیٹ کر دیا گیا ہے۔ مزید اگر کوئی پروگرام آپ کے پاس پہلے ہی انسٹال بھی ہے اور اپ ڈیٹ بھی ہے تو اس کے نام کے آگے Program Updated لکھا ہوگا۔

لیجئے اب آپ کے سب پروگرام مکمل طور پر انسٹال ہو چکے ہیں اور آپ Close کے بٹن پر کلک کر کے اس ٹول کو بند کر سکتے ہیں۔

نوٹ:-

اس سارے عمل میں آپ کو یہ بتایا گیا ہے کہ نئی ونڈوز انسٹال کرنے کے بعد یا عام طور پر کئی پسندیدہ پروگرام کیسے انسٹال کئے جا سکتے ہیں۔ لیکن اگر آپ کی ونڈوز اکثر خراب ہو جاتی ہے اور آپ اپنی ونڈوز کا تمام پروگراموں سمیت بیک اپ بنانا چاہتے ہیں جس کو آپ بغیر ویڈوز سی ڈی کے دوبارہ انسٹال کر سکتے ہیں تو رابطہ فارم پر ہمیں پیغام ارسال کریں یا نیچے کمنٹ میں اس کا ذکر کریں تو ہم اس پر آپ کے لئے ایسی ہی مکمل پوسٹ مع تصاویر شائع کر دیں گے۔

مکمل تحریر >>>

غیر ضروری پروگرام، ٹول بارز سے کیسے بچیں۔How to avoid unwanted Program and tool-bars

عام طور پر دیکھنے میں آیا ہے کہ کمپیوٹر کے عام صارفین کے سسٹم میں کئی ایک غیر ضروری پروگرام انسٹال ہوتے ہیں جو کہ نہ صرف آپ کی ہارڈ ڈسک میں جگہ گھیرے رہتے ہیں بلکہ یہ آپ کی معلومات کو بھی چوری کر سکتے ہیں اس کے علاوہ جو سب سے بڑا مسلئہ اس قسم کے غیر ضروری پروگراموں کی وجہ سے بہت سے صارفین کے کمپیوٹر میں دیکھنے میں آیا ہے وہ یہ ہے کہ ان کے پراؤزر میں کئی ایک tool bars ہوتی ہیں اور براؤزر کی ونڈو کم اور tool bars زیادہ نظر آ رہی ہوتی ہیں۔

ہم مثال کے طور پر سامنے کی تصویر میں ایک براؤزر کی تصویر پیش کر رہے ہیں جس میں آپ بہت سی tool bars دیکھ سکتے ہیں۔ ہم یقین سے یہ بات کہہ سکتے ہیں کہ اگر آپ کے برؤزر میں اس قسم کی tool bars موجود ہیں تو آپ نے ان میں سے آدھی بھی کبھی استعمال نہیں کی ہوں گی اور ناں ہی آپ نے یہ خود سے کسی خاص مقصد کے لئے انسٹال کی ہوں گی۔ بلکہ اکثر لوگوں تو یہ سمجھتے ہیں کہ یہ tool bars براؤزرکا حصہ ہیں۔ 

ایسا ہر گز نہیں ہے بلکہ یہ tools bars آپ کے براؤزر میں دھوکہ دھی سے مختلف پروگرام انسٹال کرتے ہوئے دال دی جاتی ہیں یا تو آپ کو ان کے بارے میں پوچھا جاتا ہے اور آپ ان کو Yes کلک کر کے خود قبول کر لیتے ہیں۔

نیچے ہم ایک اور تصویر آپ کو دکھا رہے ہیں جو کہ ایک اصل حالت کے اور صاف ستھرے براؤزر کی ہے۔

اگر آپ سامنے دی گئی تصویر کا موازنہ اوپر والی تصویر سے کریں تو ایسا محسوس ہوتا ہے کہ یہ کوئی دو الگ الگ مخلوق ہیں۔ لیکن حقیت میں یہ دونوں ایک ہی براؤزر کی تصاویر ہیں جن میں سے اوپر والی میں بہت سی tool bars  انسال ہو گئی ہیں جب کہ سامنے والی تصویر میں براؤزر اپنی اصل حالت میں ہے۔

آئیے اب ہم یہ جانتے ہیں کہ ان غیر ضروری tool bars سے کیسے بچا جا سکتا ہے۔

اس کے لئیے ضروری ہے کہ کوئی بھی پروگرام انسٹال کرتے ہوئے جلد بازی میں Next Next پر کلک ناں کریں ایسا کرنے سے کئی فالتو پروگرامز بھی انسٹال ہو جاتے ہیں جن میں سے زیادہ تر نچلے درجے کے سرچ انجن یا مختلف tools bars ہوتی ہیں جو کہ آپ کے براؤزر کے ساتھ منسلک ہو جاتے ہیں اور یہ آپ کے براؤزر کو سست رفتار اور دیکھنے میں بھدا کرنے کے علاوہ آپ کو مطلوبہ سرچ کے بجائے اپنی مرضی کے نتا‎ئج کی طرف لے جاتے ہیں اس کے علاوہ ان میں سے کئی پروگرام ایسے بھی ہوتے ہیں جو آپ کو نظر نہیں آتے لیکن یہ آپ کی معلومات کو وقفے وقفے سے اس کو بنانے والی کمپنی تک پہنچاتی رہتی ہیں جس سے ناں صرف آپ کی معلومات غیر محفوظ ہو جاتی ہیں بلکہ آپ کا انٹر نیٹ بھی غیر ضروری استعمال ہوتا رہتا ہے جس سے آپ کو اضافی بل یا سست رفتار انٹرنییٹ انتعمال کرنا پرتا ہے۔ اس لیے انسٹالیشن کے دوران ایسے چیک باکسز کو ہٹا دیں اور کوشش کریں کہ اگر سیٹ اپ میں custom installation کا آپشن ہو تو  کسٹم طریقے سے انسٹالیشن کریں۔

اس کو بہتر طریقے سے سمجھانے کے لئے ہم آپ کو مشہور زمانہ Skype کی مثال دے رہے ہیں۔

سامنے کی تصویر سکائپ کی ہے جو کہ آپ انسٹال کرنے دوران دیکھتے ہیں۔ جیسا کہ آپ سامنے کی تصویر میں دیکھ سکتے ہیں کہ اس میں بہت سے آپشن ہیں اور ان کے ساتھ ایک خانے میں چیک کرنے کا آپشن ہے۔ عام طور پر اس قسم کے خانے پہلے سے ہی چیک ہوئے ہوتے ہیں اور آپ کو ان کو ان چیک کرنا ہوتا ہے۔ 

اس میں مختلف آپشن کو نمبر کے ساتھ نمایاں کیا گیا ہے جن کی تفصیل مندرجہ ذیل ہے۔

1) Desktop ( آپ کے کمپوٹر کی سکرین) پر سارٹ کٹ بنائیں۔ (بعض حالات میں ضروری ہے)

2) سیٹ اپ مکمل ہونے کے بعد پرگرام خود بخود چل پڑے۔ (یہ آپ کی مرضی پر منحضر ہے)

3) پروگرام ونڈوز کے ساتھ ہی سٹارٹ ہو جائے گا۔ ( یہاں غیر ضروری ہے لیکن بعض پرگراموں میں ضروری ہے)

4) یہاں آپ سے موزیلا براؤزر FireFox میں سکائپ plugin انسٹال کرنے کی اجازت مانگی جا رہی ہے جو کہ عام طور پر عام صارفین کے لئے بالکل غیر ضروری ہے اور ہم اس کو ان چیک کر کے انسٹال ہونے سے روک سکتے ہیں۔

5) یہ بھی نمبر 4 کی طرح internet Explorer پر وہی plugin انسٹال کرنے کی اجازت مانگی جا رہیں ہے۔

نوٹ:- اوپر دیا گیا سیٹ اپ صرف مثال کے طور پر ہے اسکائپ یا دوسرے پروگراموں میں یہ آپشن یا انسٹال ہونے والی چیزیں مختلف ہوتی ہیں۔

اگر آپ کے براؤزر میں پہلے سے یہ tool bars انسٹال ہو چکی ہیں اور آپ اس کو صاف کرنا چاہتے ہیں تو براہ مہربانی کمنٹ میں اس کا ذکر کریں یا رابطہ فارم پر ہمیں اس کے بارے میں آگاہ کریں۔

مکمل تحریر >>>

آؤٹ لک کے ساتھ جی میل اکائنٹ منسلک کرنا How to Add Your Gmail Account to Outlook

آج ہم آپ کو یہ بتانے جا رہے ہیں کہ Microsoft OutLook میں آپ اپنا جی میل اکاؤنٹ کیسے استعمال کر سکتے ہیں۔لیکن اس سے پہلے ان حضرات کے لئے جو Microsoft OutLook کی افادیت سے ناواقف ہیں یہ بتانا ضروری ہے کہ  Microsoft OutLook ہے کیا اور اس کے کیا فائدے ہیں۔
Microsoft OutLook ونڈوز کا ایک پروگرام ہے اور Microsoft Office کا حصہ ہے۔ جس کے ذر‏یعے آپ ای میل بھیج اور وصول کر سکتے ہیں۔ اس کے بہت سے فائدے بھی ہیں جو جی میل یا کسی بھی اور اکاؤنٹ میں آپ کو میسر نہیں ہوتے۔
مثلاّ آپ Microsoft OutLook کے ذريعے اپنی پرانی ای میل بغیر انٹرنیٹ کنکشن کے دیکھ سکتے ہیں یا اگر آپ کو کوئی بھی پرانی اٹیچمنٹ ڈاؤن لوڈ کرنی ہو تو اس کے لئے آپ کو انٹرنیٹ کنیکشن کی ضرورت نہیں ہوتی۔

آئیے اب ہم یہ جانتے ہیں کہ جی میل کو Microsoft OutLook کے ساتھ منسلک کیسے کیا جاتا ہے۔

سب سے پہلے آپ کو اپنے ای میل کی سیٹنگ تبدیل کرنی ہوں گی۔ 

اپنے براؤزر کو کھولیں اور جی میل اکاؤنٹ میں سائن ان کریں اور اپنے اکاؤنٹ کی سیٹنگ میں جائیں اور سیٹنگ پر کلک کریں۔

اس کے بعد ایک پیج کھل جائے گا جس میں بہت سے آپشن ہوں گے یہاں آپ کو Forwarding and POP/IMAP پر کلک کرنا ہو گا جس کے بعد آپ کے سامنے نیچے تصویر میں دیا ہوا صفحہ کھل جائے گا۔

اس صفحہ پر Enable IMAP پر کلک کریں۔

جب آپ Enable IMAP کو کلک کریں گے تو اس کے ساتھ ہی کچھ اور آپشن کھل جائیں گے۔ ان آپشنز کو آپ تبدیل نہیں کریں گے لیکن اگر یہ آپشن سامنے کی تصویر پر سیٹ نہ ہوئے ہوں تو ان کو سرخ دائروں کے مطابق سیٹ کر دیں۔اس کے بعد Save Changes کے بٹن پر کلک کریں۔ یہاں آپ کی اکاؤنٹ سیٹنگ کا مرحلہ ختم ہو جاتا ہے۔ اگر آپ چاہیں تو اپنے براؤزر کو بند کر سکتے ہیں۔

یہ مرحلہ مکمل ہونے کے بعد اب ہم جانیں گے کہ اس اکاؤنٹ کو Microsoft OutLook میں کیسے کنفیگر کیا جائے۔

اس کے لئے آپ اپنے کمپیوٹر کی سکرین پر دائیں جانب نیچے Start   کے بٹن کو دبائیں اور یہاں کھلنے والی ونڈو میں جو سرچ بار ہو اس میں outlook لکھیں۔ اگر آپ کے کمپیوٹر میں Microsoft OutLook انسٹال ہے تو آپ کو اس ونڈو میں outlook لکھا نظر آئے گا۔ اس پر کلک کرنے سے Microsoft OutLook کھل جائے گا۔

یہاں آپ نیچے دی گئی تصویر کے مطابق File پر کلک کریں گے۔

اب آپ کے سامنے ایک نیا صفحہ کھلے گا جس میں آپ Add Account پر کلک کریں گے۔

Add Account پر کلک کرنے کے بعد آپ کے سامنے ایک الگ چھوٹا صفحہ کھلے گا جہان آپ کو اپنا نام اور ای میل کی معلومات لکھنی ہیں۔

اس کھلنے والے صفحے میں دو طریقے سے ای میل کو منسلک کیا جا سکتا ہے لیکن فی الحال ہم پہلے طریق کے مطابق ہی ای میل کو کنفیگر کریں گےجو کہ خودکار طریقے سے ہمارے ای میل کو Microsoft OutLook کے ساتھ منسلک کردے گا۔

خیال رہے کہ سامنے دی گئی تصویر کے مطابق نمبر 1 والے خانے میں اپنا نام لکھیں اور نمبر 2 والے خانے میں اپنا وہ ای میل لکھیں جو آپ کو Microsoft OutLook کے ساتھ منسلک کرنا ہے جبکہ نمبر 3 اور نمبر 4 والے خانے میں اپناا وہی پاسورڈ ڈالیں جو آپ کے اس ای میل کا پاسورڈ ہے۔ اس کے بعد Next کے بٹن پر کلک کریں۔

Next کے بٹن پر کلک کرنے کے اس مرحلے میں آپ کا کام حتم ہوا۔ اب آپ کے سامنے ایک اور صفحہ کھلے گا جس میں آپ کے ای میل کے ساتھ رابطہ قائم کرنے اور آپ کا ای میل تلاش کرنے کے پیغام سامنے دی گئی تصویر کے مطابق آ رہے ہوں گے۔ یہ مرحلہ مکمل ہونے میں کچھ وقت بھی لگ سکتا ہے لہذا اس مرحلے کے مکمل ہونے تک انتظار کریں۔ یہ مرحلہ مکمل ہونے پر تصویر نمبر 2 کی طرح آپ کو e-mail account successfully configured کا پیغام لکھا نظر آئے گا۔ اب آپ تصویر نمبر 2 کے مطابق Finish کے بٹن پر کلک کریں۔ اس کے بعد Microsoft OutLook آپ کے ای میل پر ٹیسٹ میسج بھیجے گا۔ اور اس کے ساتھ ہی آپ کا ای میل اکاؤنٹ  Microsoft OutLook کے ساتھ منسلک ہو چکا ہے۔

نوٹ:- تمام مراحل کے مکمل ہونے کے بعد آپ اپنی ای میل فوراّ اپنے OutLook میں نہیں پائیں گے بلکہ Microsoft OutLook آپ کی تمام ای میلز کو سرور سے ڈاؤن لوڈ کرے گا جس کی پراگرس آپ اپنے اکاؤنٹ کے نیچے ایک بار کی صورت میں دیکھ پائیں گے اور جوں جوں آپ کی ای میل ڈاؤن لوڈ ہوتی جائیں گی آپ کو ایک ایک مخصوف آواز کے ذریعے اور دائیں جانب نیچے ایک پاپ اپ ونڈو میں اس کے بارے میں مطلہ کیا جاتا رہے گا اور ساتھ ہی کچھ ای میلز آپ کو اپنے ان باکس میں بھی نظر آنے لگیں گی۔ البتہ اس دوران آپ Microsoft OutLook سے ای میل بھیج سکتے ہیں۔

اگر آپ Microsoft OutLook کے بارے میں کچھ مزید جاننا چاہتے ہیں یا اس میں سے کسی مرحلے پر آپ کو کوئی دشواری ہوتی ہے تو برائے مہربانی کمنٹ میں اس کا ذکر کریں یا اوپر Contact Us پر کلک کر کے ہم سے رابطہ کریں۔ ہم اگلی پو سٹ میں اس کے بارے میں آپ کو مزید آگاہ کرنے کی کوشش کریں گے۔

مکمل تحریر >>>

ونڈوز میں زپ یا رار فائل بنانے اور کھولنے کا طریقہ How to make and open Zip or RAR file in windows

کبھی کبھار ایسی ای میل موصول ہوتی ہے جس میں درجن بھر کے قریب فائلوں کی اٹیچمنٹس موجود ہوتی ہیں۔ اس سے اندازہ ہوتا ہے کہ بعض صارفین ونڈوز میں زپ فائل بنانے کا طریقہ نہیں جانتے۔ ZIP یا RAR فائل کے دو بڑے فائدے ہیں۔ ایک یہ کہ بہت سی فائلیں اکٹھی ہو کر ایک فائل کی شکل اختیار کر لیتی ہیں۔ دوسرا یہ کہ انفرادی طور پر تو یہ فائلیں بڑے سائز کی ہوتی ہیں، لیکن ZIP یا RAR فائل کی صورت میں کمپریس ہو کر یہ بہت چھوٹے سائز میں آجاتی ہیں۔ ای میل کے لیے یہ دونوں باتیں فائدہ مند ہیں کہ بہت سی فائلوں کی بجائے صرف ایک چھوٹے سائز کی فائل کو اٹیچ کرنا پڑتا ہے۔

 آئیں ونڈوز میں ZIP یا RAR فائل بنانے اور اسے کھولنے کا طریقہ سیکھتے ہیں۔

Winzip یا Winrar ڈاؤن لوڈ کریں۔

اگر آپ کے کمپیوٹر میں یہ سافٹ وئیر موجود نہیں ہو گا تو اس قسم کی فائل داؤن لوڈ کرنے پر آپ اس کو کھول نہیں پائیں گے۔

یو ں تو انٹرنیٹ پر فائل کو کمپریس کرنے کے لئے کئی سافٹ ویئر موجود ہیں لیکن ہم winrar کو ویادہ ترجیح دیتے ہيں۔

WinRAR ڈاؤن لوڈ کرنے کے لئے اس لنک پر کلک کریں۔

نئی کھلنے والی ونڈو میں آپ کو جو لنک نظر آئیں گے اس میں سے اپنے سسٹم کے مطابق 32bit یا 64bit پر کلک کریں۔

اب آپ کی ڈاؤنلوڈنگ شروع ہو جائے گی۔ ڈاؤنلوڈ مکمل ہونے پر اس کو انسٹال کر لیں۔

نوٹ:- اگر آپ کو winrar انسٹال کرنے کا طیقہ معلوم نہیں تو یہاں کلک کر کے طریقہ جانئیے۔

winrar انسٹال ہونے کے بعد اگر آپ کے کمپیوٹر میں اگر کوئی کمپرس کی گئی فائل وجود ہے تو وہ تین کتابوں کی گٹھڑی کی طرح نظر آنے لگے گي 

اب یہ جاننے کا مرحلہ ہے کہ آپ کسی بھی فائل یا فولڈر اور RAR یا UNRAR کیسے کر سکتے ہیں۔

1) اپنے دیسک ٹاپ پر یا کسی بھی ڈرائیو میں کسی بھی فائل یا فولڈر پر رائٹ کلک کریں جس کو کمپریس یا RAR کرنا مقصود ہو۔Add to Archive پر کلک کریں۔

2) اب اپ کے سامنے ایک اور ونڈو آئے گی جس میں آپ کی RAR فائل کا نام اسی فولڈر کے نام سے ہو گا۔ اگر آپ اپنی مرضی کا کوئی نام رکھنا چاہیں تو نمبر ایک کی نشاندہی ہر اس کا نام تبدیل کر سکتے ہیں۔

اگر آپ چاہتے ہیں کہ کمپریس ہونے کے بعد آپ کی فائل ڈیلیٹ ہو جائے توتصویر میں نمبر 2 والے خانے کو چیک کردیں۔اگر آپ اپنی اس نئی بننے والی RAR فائل کو پاسورڈ لگانا چاہیں تو تصویر میں نمبر 3 والے بٹن کو کلک کر کے پاسورڈ سیٹ کر سکتے ہیں۔winRAR کی اس ونڈو میں اور بھی کئی آپشن ہیں اگر آپ ان کے بارے میں جاننا چاہیں تو ہمارے ساتھ رابطہ کریں یا اس پوسٹ کے کمنٹ میں ذکر کریں تو ہم اس پر ایک اور پوسٹ لکھنے میں فخر محسوس کریں گے۔ اس سب کے بعد آپ ok کے بٹن پر کلک کریں گے تو آپ کی فائل winRAR فائل میں آ جائے گی اور اوپر دی گئی تصویر کی طرح کتابوں کی گٹھڑی کی شکل میں نظر آئے گي۔

نوٹ:- Delete files after archiving کا آپشن کلک کرنے سے آپ کی فائل جس کو آپ نے RAR کرنے کے لئے رائٹ کلک کیا تھا ڈیلیٹ ہو گی جب کہ آپ کی وہی فائل یا فولڈر اس RAR فائل میں ب‏غیر کسی تبدیلی کے محفوظ رہے گا اور آپ جب چاہیں نیچے دیئے گئے طریقے سے اسے دوبارہ اپنی اصل شکل میں دیکھ سکتے ہیں۔

اب ہم یہ جانیں گے کہ اس فائل کو دوبارہ عام فولڈر کی طرح کیسے کھولا جا سکتا ہے۔

یہاں ہم آپ کو یہ بتانے جا رہے ہیں کہ آپ اس RAR فائل کو UnRAR (عام حالت میں لانے کا عمل) کیسے کر سکتے ہیں۔

یہ ایک بہت آسان اور سادہ عمل ہے لیکن اگر کچھ لوگ اس کے بارے میں نہیں جانتے تو اس طریقہ سے اس کو UnRAR کر سکتے ہیں یا عام حالت میں لا سکتے ہیں۔ اس کے لئے آپ اوپر دئے ہوئے طریقے کے مطابق بنائی جانے والی یا کسی بھی RAR فائل پر کلک کریں گے تو ایک ونڈو کھلے گی جس میں سب سے بہتر طریقہ یہ ہے کہ آپ اس ونڈو میں Extract to new folder پر کلک کریں گے تو یہ فائل پہلے کی طرح عام فولڈر کی شکل میں آ جائے گی جب یہ RAR فائل بھی اپنی جگہ موجود رہے گی۔Extract to New folder میں New folder آپ کی فائل کا نام ہے جو کہ آپ کی RAR فائل کے نام سے ہوگا مثلاّ اگر آپ کی فائل کا نام XYZ ہے تو Extract to New folder کی جگہ Extract to XYZ ہو گا۔

یہاں آپ کو Extract to New folder کے ساتھ اور بھی آپشن دکھائی دے رہے ہیں جن کی تفصیل درج ذیل ہے۔

Open with WinRAR یہ آپشن آپ کی فائل کو WinRAR کے اندر ہی کھولنے کے لئے ہے۔

Extract files یہ آپشن کلک کرنے پر ایک اور ونڈو کھلے گی جس میں آپ کوئی بھی ڈرائیو یا فولڈر سیلکٹ کر سکتے ہیں جہاں اس فائل یا فولڈر کو رکھنا مقصود ہو۔

Extract Hare یہ آپشن بھی Extract to new folder کی طرح ہی ہے جو کہ آپ کے فولڈر کو اسی جگہ عام حالت میں کھول دے گا۔

نوٹ:- اگر آپ اس میں سے کسی عمل کے بارے میں مزید جاننا چاہیں کمپیوٹر کے مطالق کسی اور مسلئے کے بارے میں جاننا چاہیں تو براہ مہرابانی اس پوسٹ کے کمنٹ میں ہمیں آگاہ کريں یا ہم سے رابطہ کرنے کے لئے Contact Us پر کلک کریں۔

مکمل تحریر >>>

ونڈوز سیون اور ایٹ پر ہاٹ سپاٹ بغیر سافٹ ویئر Make Wifi Hotspot on Win 7/8 without Software

وائی فائی ہاٹ اسپاٹ بنا کر کمپیوٹر پر چلنے والے انٹرنیٹ کو دیگر وائرلیس ڈیوائسز جیسے کہ اسمارٹ فون، ٹیبلٹ اور لیپ ٹاپ وغیرہ سے شیئر کیا جا سکتا ہے۔ آئیے آپ کو بتاتے ہیں کہ کس طرح بہت ہی آسانی سے ونڈوز سیون اور ایٹ  کے حامل لیپ ٹاپ پر بغیر کسی سافٹ ویئر کے صرف کمانڈ پرامپٹ کی مدد سے ہاٹ اسپاٹ بنایا جا سکتا ہے۔ونڈوز سیون اور ایٹ پر اس کام کے لیے بالکل ایک ہی طریقہ رائج ہے۔

سب سے پہلے اسٹارٹ بٹن پر کلک کر کے cmd ٹائپ کریں۔ جیسے ہی سی ایم ڈی نظر آئے اس پر رائٹ کلک کرتے ہوئے Run as administrator پر کلک کریں۔

سب سے پہلے مرحلے پر ہم نے چیک کرنا ہے کہ آیا ہمارا کمپیوٹر یہ ہاٹ اسپاٹ بنانے کے قابل ہے بھی کہ نہیں۔ اس بات
کی تصدیق کے لیے یہ کمانڈ چلائیں:

netsh wlan show drivers

   "yes" کے سامنے  “Hosted network supported”اگر نتائج میں

لکھا ہے تو سمجھیں آپ کا کمپیوٹر یہ وائی فائی ہاٹ اسپاٹ بنا سکتا ہے۔ 

"No" کے سامنے  “Hosted network supported”اگر نتائج میں 

لکھا ہے تو اس کا مطلب ہے آپ کے کمپیوٹر میں یہ سہولت دستیاب نہیں ہے۔ آپ کو وائی فائی ہاٹ اسپاٹ بنانے کے لیے کوئی سافٹ ویئر ہی استعمال کرنا ہو گا۔ اس کے لیے درج ذیل مضامین ملاحظہ کیجیے

اگر کمانڈ کے جواب میں ’’یس‘‘ لکھا ہوا تھا تو اب وائی فائی ہاٹ اسپاٹ بنانے کے لیے آپ کو درج ذیل کمانڈ استعمال کرنی ہو گی:

netsh wlan set hostednetwork mode=allow ssid=computingpk key=12345678

کمانڈ میں ssid کے آگے آپ اپنی پسند کا نام منتخب کر سکتے ہیں جیسے کہ ہم نے ’’کمپیوٹنگ پی کے‘‘ لکھا ہے۔ اس کے آگے key میں پاس ورڈ منتخب کرنا ہوتا ہے۔ پاس ورڈ کم از کم آٹھ حرفی ہونا ضروری ہے۔

اگر آپ یہ کمانڈ درستگی سے چلائیں گے تو درج ذیل پیغام ملے گا:

The hosted network mode has been set to allow.

The SSID of the hosted network has been successfully changed.

The user key passphrase of the hosted network has been successfully changed.

جبکہ کسی غلطی کی صورت میں ایک طویل پیغام نظر آئے گا جس کے شروع میں Invalid کمانڈ لکھا ہو گا۔

اب ہم نے کامیابی سے ہاٹ اسپاٹ بنا لیا ہے اور اسے بس ON کرنے کی ضرورت ہے۔ اس کے لیے

درج ذیل کمانڈ استعمال ہو گی:

netsh wlan start hostednetwork

یہاں یہ یاد رکھیں کہ اسے بند کرنے کے لیے start کی جگہ stop لکھنا ہو گا۔ یعنی جب اس ہاٹ اسپاٹ کی ضرورت نہ ہو بہتر ہے کہ اسے آف کر دیں۔

یہ کمانڈ چلاتے ہی آپ کو درج ذیل پیغام ملے گا:

The hosted network started

اب آپ اپنے اس ہاٹ اسپاٹ کو کسی بھی وائی فائی سپورٹڈ ڈیوائس سے استعمال کر سکتے ہیں۔

مکمل تحریر >>>

ونڈو ایکس۔پی انسٹال کرنے کا طریقہ How to Install window Xp

ونڈو ایکس پی انسٹال کرنے کے لیے ونڈو ایکس پی کی ڈسک سی ڈی ڈرائیو میں ڈال کرکمپیوٹر کو ری سٹارٹ کر دیں۔جب کمپیوٹر پر پریس اینی کِی کا آپشن آئے تو کوئی بھی کی پریس کر دیں۔ پھر ونڈو کی لوڈنگ ہونا شروع ہو جائے گی۔ اس کو لوڈ ہونے دیں جب ڈسک ٹاپ پے پارٹیشن شو ہو جائے تو اُن میں سے(c drive) کو سلیکٹ کریں ۔اور نیچے بار کے آپشن میں سے enter کو press کریں۔ ونڈو کو انسٹال کرنے کے لیے۔اس کے بعد windowکا اگریمنٹ آ جائے گا F8کو

press کر کے اگریمنٹ کوaccept کر لیں۔اس کے بعد ایک اور آپشن شو ہو گا جس کے status barمیں3 آپشن ہوں گے۔ c ہو گا countinuکے لیے تو c کو پریس کر دیں۔ اس کے بعد پارٹیشن کو فارمیٹ کرنے کا آپشن آئے گا جن میں سے formate the partion using the NTFS file system کو تیر والی کیز سے سلیکٹ کریں اور اس کو countinu کرنے کے لئے enter کی کو پریس کر دیں۔ پھر اس کے بعد آپشن آئے گا کے آپ واقعی فارمیٹ کرنا چاہتے ہیں تو F کے بٹن کو پریس کریں۔ جب f کو پریس کر دین تو فارمیٹ شروع ہو جائے گی۔پھر فارمیٹ مکمل ہونے کے بعد window  کی فائلیں کاپی ہونا شروع ہو جائیں گی۔ کاپی مکمل ہونے کے بعد سسٹم reboot ہو جائے گا۔
اس کے بعد 39منٹ شو ہوں گے انسٹا لیشن مکمل ہونے کے لیے اس کے بعد 32منٹ سے لے کر 29 منٹ کے درمیان آپشن ظاہر ہوں گے۔ مثلا insert the window cd key وغیرہ پاسورڈ لگانا ہوں تو لگانے کے آپشن ہوں گے۔پھر انسٹا لیشن مکمل ہونے کے بعد computer پھر reboot ہوجائے گا۔اب ونڈو مکمل ہو چکی ہے۔

مکمل تحریر >>>